RR hótel

Helsta vörumerki RR Hótela er Reykjavík Residence Hótel. Hótelin eru í gömlum og sögufrægum húsum í miðborg Reykjavíkur, byggðum snemma á síðustu öld. Þau hafa verið endurnýjuð í góðri sátt við söguna og á veggjum þeirra er sögunni miðlað í máli og myndum. Hótelin eru í hæsta gæðaflokki og hafa fengið fjölda verðlauna fyrir gæði og þjónustu .

Reykjavík Residence hótel er til húsa við Hverfisgötu og Veghúsastíg og er því mjög miðsvæðis og nálægt helstu verslunargötum Reykjavíkur. Hótelið samanstendur af sex byggingum; Hverfisgötu 21, 45 og 78, Veghúsastíg 7, 9 og 9a og Lindargötu 11. Alls rekur RR hótel 63 íbúðir í sex húsum.

PORT 9

RR hótel rekur vínbarinn Port 9 við Veghúsastíg 7 . Þar er einnig morgunverður á vegum Reykjavík Residence. Port 9 var opnað í nóvember 2016 og hefur verið vel tekið af viðskiptavinum þess, bæði innlendum sem og erlendum ferðamönnum. Nafnið Port 9 er dregið af portinu sem er á milli húsanna Veghúsastígs 7, 9 og 9A .

TOWER SUITES

Á árinu 2018 keypti RR hótel félagið Kistil sem rekur gististarfsemi og tengda þjónustu á efstu hæð turnsins við Höfðatorg í Reykjavík undir vörumerkjum Tower Suites Reykjavík. Á hæðinni eru 8 svítur, glæsileg gestamóttaka og einstakt útsýni í allar áttir. Félagið tók yfir reksturinn í maí 2018. Gengið hefur vel og er töluverð samlegð með Reykjavík Residence og Tower Suites.

hfoFSJDY.jpeg

Hér má nálgast vefsvæði RR Hotel.

Dótturfélag RR Hótela er Sútarinn og Kistill.

 
 

Hverfisgata 21

Eitt af elstu steinsteyptu húsunum í Reykjavík, byggt árið 1912 fyrir Jón Magnússon, þá bæjarfógeta í Reykjavík og seinna fyrsta forsætisráðherra Íslands, og eiginkonu hans, Þóru Jónsdóttur. Arkitekt hússins var Finnur Ó. Thorlacius og byggingarmeistari Steingrímur Guðmundsson. Seinna voru höfuðstöðvar félaga bókagerðarmanna í húsinu um sjö áratuga skeið. Þar voru skrifstofur bæjarfógeta fyrstu árin og seinna skrifstofa Áfengisverslunar ríkisins. Sparisjóður Reykjavíkur og nágrennis hóf þar starfsemi sína og sömuleiðis var þar til húsa Bókaútgáfa Menningarsjóðs og Þjóðvinafélagsins. Skáld og listamenn voru um tíma heimagangar í húsinu – og þar gistu konungur og drottning Danmerkur og Íslands í opinberri heimsókn sinni 1926.

 
IMG_3888web.jpg

Hverfisgata 45

Steinhús byggt árið 1914, eitt elsta dæmið um íslenska steinsteypuklassík í Reykjavík. Hér var áður tómthúsbýlið Hlíð eða Arnljótskot. Fyrstu eigendur hússins voru hjónin Matthías Einarsson læknir og Ellen Ludvíka Matthíasdóttir Johannessen. Seinna var í húsinu skrifstofa aðalræðismanns og síðar Sendiráð Noregs fram á áttunda áratug tuttugustu aldar. Söngskólinn í Reykjavík var þar síðan í nærri aldarfjórðung.

 
P1000856-min.JPG

Veghúsastígur 7

Steinsteypt og að hluta til steinhlaðið hús byggt árið 1920, hannað af Erlendi Einarssyni arkitekt. Þar og í viðbyggingum sem seinna voru rifnar voru til húsa, sápugerðin Máni, smjörlíkisgerðin Smári, bókaútgáfan Helgafell, prentsmiðjan Víkingsprent, bókaverslunin Unuhús og sýningarsalir fyrir myndlist. Þá var Félag áhugamanna um stjörnulíffræði til húsa í risinu um tæplega tveggja áratuga skeið.

 
_MG_4268web.jpg

Veghúsastígur 9 / Bergshús

Steinsteypt og að hluta til steinhlaðið hús byggt árið 1920, hannað af Erlendi Einarssyni arkitekt. Þar og í viðbyggingum sem seinna voru rifnar voru til húsa sápugerðin Máni, smjörlíkisgerðin Smári, bókaútgáfan Helgafell, prentsmiðjan Víkingsprent, bókaverslunin Unuhús og sýningarsalir fyrir myndlist. Leikskólinn Lindarborg nýtti auk þess hluta húsanna á tímabili. Þá var Félag áhugamanna um stjörnulíffræði til húsa í risinu um tæplega tveggja áratuga skeið.

 
Framkvæmdum lauk við Veghúsastíg 9a á árinu-min.jpg

Veghúsastígur 9A

Á árunum 1911–1914 byggði Bergur Einarsson sútari flrjá skúra á Veghúsastíg 9a, á bak við hús sitt, Bergshús. þetta voru þurrkhús með porti og tveir steinsteyptir skúrar.

 

Lindargata 11

Ástráður Hannesson byggði fyrstu gerð hússins. Árið 1906 seldi Ástráður Sigurði Jónssyni bóksala og mági hans, Vilhjálmi Árnasyni trésmið húsið, enda hafði hann þá byggt hús handan götunnar, Smiðjustíg 13 (Ástráðshús).Þeir félagar réðust strax í stækkun hússins.

 
IMG_7341_bv.jpg

Hverfisgata 78

Bókfellshúsið á Hverfisgötu 78 var byggt á árunum 1945–1947 en bókbandsstofan Bókfell hafði verið stofnuð nokkru áður af nokkrum stórhuga mönnum árið 1943 þegar heimsstyrjöldin síðari var í algleymingi. Margar prentsmiðjur hafa verið í húsinu, sú síðasta prentsmiðjan Formprent, sem var til húsa á fyrstu hæðinni frá 1970 til 2016. Um hríð var einnig lakkrísgerð, fatahreinsun, skrifstofur SÍBS o.fl. í húsinu.

 

Nýting með því besta sem finnst

RR hótel var rekið með um 97% nýtingu á árinu 2017, sem er með því besta sem gerist á íslenska hótelmarkaðnum.

 
 
 
 
RR_weblayout_v2-1.jpg